फिल्म ‘उपहार’को गीत रिलिज भएको छ।
शुक्रवार काठमाडौँमा आयोजित एक कार्यक्रमका बिच डान्सिङ तथा रोमान्टिक फ्लेवरको ‘वाह वाह वाह’ बोलको गीत सार्वजनिक गरिएको हो।
बाबुल गिरी र एलिना चौहानको स्वर रहेको गीतमा फिल्मका शीर्ष कलाकारहरू रेखा थापा, मुकुन भुषाल, पूजा शर्मा, समर्पणजंग कार्की, बेनिशा हमाल र तेज गिरी ‘फिचर्ड’ छन्। यस गीतमा शङ्कर अधिकारी (घायल)को शब्द रचना तथा बाबुलको सङ्गीत छ।
ज्ञानेन्द्र देउजाको निर्देशनमा बनेको यो गीतमा फिल्मका तीन जोडी प्रस्तुत गरिएका छन् । रेखा र मुकुन, पूजा र समर्पणजंग, बेनिशा र तेज। भिडियोलाई कविराज गहतराजले कोरियोग्राफी गरेका हुन् ।
रेखा फिल्मस् र कपनगढी सिनेमा प्रा.लीको संयुक्त प्रस्तुति रहेको फिल्मको कथा सुलक्षण भारतीले लेखेका हुन् ।
शुलभ प्रतीक देउजा र समीक्षा देउजा निर्माता रहेको फिल्मको कार्यकारी निर्मातामा बलराम शाही ठकुरी छन् । यो फिल्म फागुन २५ गते रिलिज हुने भएको छ ।
