जेठको २५ गतेबाट रिलिजमा आउन लागेको फिल्म ‘गाउँ आएको बाटो’को टिजर सार्वजनिक गरिएको छ। सोमबार काठमाडौंमा एक कार्यक्रमको आयोजना गर्दै निर्माण टिमले यो फिल्मको टिजर सार्वजनिक गरेको हो ।
सार्वजनिक टिजरमा गाउँले जीवन, उकाली ओरोली, सहरप्रतिको बालकको जिज्ञासा देखाएको छ। विकट गाउँमा गाडी आएपछि बाबु र छोराको सम्बन्धमा उत्पन्न हुने परिस्थितिको कथालाई यो फिल्मले देखाउछ।
फिल्मका कार्यकारी निर्माता सञ्जु राई, देवराज राई, नारहाङ राई, भीम राई हुन् । महेश राइको कथा रहेको फिल्ममा नबिन सुब्बा र महेशले मिलेर पटकथा लेखेका छन् । जोस हेरुमको छायांकन रहेको यो फिल्ममा क्वान पुन लेङ्गको सम्पादन, हेइडी लिको संगीत छ ।
विभिन्न फेस्टिभलहरुमा समेत सहभागिता जनाएर अवार्ड पाएको यो फिल्मलाई नबिन सुब्बाले निर्देशन गरेका हुन् । फिल्ममा अमोद राई र नबिन सुब्बाको लगानी छ ।
फिल्ममा नायक दयाहाङ राई, कलाकारहरू पशुपति राई, प्रसना राई, प्रेम सुब्बा, केशव राई, राज थापा, सुमित्रा राई लगायतका कलाकारले अभिनय गरेका छन्।
